Kush jemi ne?

Shoqata FIMTK (Fondacioni Islam për Mbështetjen e Transportimit të Kufomave) është themeluar me qëllim të mbështetjes së çfarëdo lloji të të afërmeve të të vdekurve nga vendet jashtë Zvicrës me rastin e transportimit të kufomave të tyre.

Në të kaluarën shpesh kemi përjetuar raste kur anëtarët e familjes së të vdekurit nuk kanë pasur mjete të mjaftueshme financiare. Pjesërisht ata janë detyruar të mbledhin të holla nga të tjerët dhe nuk kanë ditur se cilat procedura zyrtare duhet ndjekur. Kryerja e këtyre punëve në ditë zie paraqiste një ngarkesë plotësuese për të afërmit e të vdekurit.

Shoqata FIMTK qëndron pranë familjarëve të të vdekurit në këto raste të rënda. Në rast të vdekjes së një anëtari ose një të afërmi të tij, të gjitha procedurat zyrtare në Zvicër i merr përsipër Shoqata jonë. Pasi që kufoma të transportohet me aeroplan në vendlindje, ajo do të bartet me auto për varrim deri te vendi ku do të varroset. Në qoftë se nuk gjendet dot ndonjë auto kufomash, atëherë familjes së të ndjerit do t’i ndahet një kontribut i pakthyeshëm prej 200 frangash zvicerane.

Informata rreth shërbimeve tona:

Në qoftë se ndonjë anëtar ndahet nga jeta në ndonjë shtet evropian (jashtë Zvicrës), të gjitha harxhimet e varrosjes së tij i merr përsipër Shoqata jonë. Në qoftë se vdekja ndodh jashtë Evropës, atëherë Shoqata jonë i mbulon harxhimet deri në 5’000 franga zvicerane.