Rast vdekjeje – çfarë tash? 

Në rast të vdekjes në shtëpi si pasojë e sëmundjes

Lajmëroni mjekun që e ka trajtuar të sëmurin ose mjekun e shtëpisë. Nëse këta nuk janë të pranishëm, atëherë njoftoni mjekun kujdestar (Notfallarzt), numrin 1811 ose 117 (policinë). Para se të lëshohet një certifikatë vdekjeje nga ana e mjekut, nuk guxon të ndërmerret asgjë. 

Në rast vdekjeje si pasojë aksidenti

Në rast të aksidenteve në trafik, në vendin e punës, në punët e shtëpisë ose të tjera lajmërojeni policinë. Duhet të sqarohet procedura e aksidentit. Policia e lajmëron mjekun zyrtar.  

Në rast të vdekjes në spital, në ndonjë klinikë ose në ndonjë strehimore

Spitali, respektivisht organet e strehimores kujdesen për formalitetet e nevojshme dhe lëshojnë një certifikatë vdekjeje.    

Lajmërimi i zyrës për varrim

Zyrën për varrim duhet ta lajmërojë, nëse kjo është e mundur, personalisht ndonjëri nga të afërmit. Me vete duhet të marrë këto dokumente: 

1.    Certifikatë vdekjeje nga mjeku ose spitali

2.    Librezën familjare /Familienbüchlein/ (për të martuarit)

3.    Lejen për banim ose vendosje (Aufenthalts- oder Niederlassungsbewilligung)

4.     Pasaporta (për të huajt) dhe certifikata e martesës (nëse ka)

5.     Për çdo rast  vërtetim me shkrim, kartë identifikimi... 

Për vdekjen e shtetasve të huaj, përveç kësaj që u tha, duhet lajmëruar edhe konsullatën përgjegjëse të shtetit nga vjen i vdekuri.