Rregullorja e FIMTK (Fondi Islam për Mbështetjen e Transferimit të Kufomave) 

A - Bazat dhe synimet
Neni 1 - “Rregullorja e fondeve për mbështetjen e transferimit të kufomave” bazohet në pikat  2.1/ 2.2/ 2.3 të statutin të Shoqatës për ndihmë në rast vdekjeje (SHNV ose Verein für Hilfeleistung bei Todesfall – VEHT).
Neni 2  -  Anëtarët dhe pjesëtarët e familjeve të atyre që vdesin në Zvicër, që zyrtarisht banojnë në Zvicër dhe që përmbushin kushtet e poshtëshënuara, transportohen për në vendlindjet e tyre përmes po kësaj shoqate. 

B - Anëtarësimi
Neni 3 - Personat të cilët dëshirojnë të anëtarësohen në këtë shoqatë, duhet t’i ndjekin hapat në vijim:
a) Ta plotësojnë formularin për regjistrim (një formular për një familje)
b) Pasi të jetë plotësuar formulari dhe t’i jetë dërguar Fondacionit, anëtarit do t’i dërgohet libreza e anëtarësisë dhe fletëpagesa. Anëtarësimi hyn në fuqi vetëm pas kalimit të 120 ditëve pas pagesës së anëtarësisë (kriter merret data e bankës). Anëtarët që ndërrojnë jetë brenda këtyre 120 ditëve, nuk mund të përfitojnë nga shërbimet e këtij Fondi. Kontributi i anëtarësimit me ketë rast nuk do të kompensohet. 
Neni 4 - Të anëtarësuarit dhe pjesëtarët e familjeve të tyre janë të obliguar që për çdo vit brenda afatit të paraparë të paguajnë shumën e caktuar. Ata të cilët nuk e paguajnë këtë shumë të të hollave rregullisht  dhe me kohë, nuk do kenë të drejt të bëjnë ndonjë kërkesë me qëllim që do të gjejnë përkrahje. Shuma e të hollave që duhen paguar do të përcaktohen për çdo vit.

Kontributet e anëtarësisë

( * fëmijë në moshën 21 vjeçe dhe të pamartuar)

C - Kush ka të drejtë në këto shërbime?
Neni 5 - Personat vijues kanë të drejtë për këto shërbime:
a) Të anëtarësuarit së bashku me anëtarët e familjeve të tyre me qëndrim në Zvicër.
b) Fëmijët që e tejkalojnë moshën 21 vjeçe ose që, pa marrë parasysh moshën, janë të martuar duhet të anëtarësohen vetë jashtë familjes.
c) Ata të cilët vizitojnë të afërmit e tyre në Zvicër dhe banojnë te po këta persona, lejohet që përmes tyre me një shumë të të hollave prej 250.-CHF. Të bëhen anëtarë aktivë të këtij Fondi. Këta persona kanë të drejtën e shfrytëzimit të  kësaj mundësie vetëm në rast se ata vdesin gjatë qëndrimit të tyre në Zvicër.  Anëtarësimi i këtyre personave hyn në fuqi 45 ditë pas hyrjes së të hollave në bankë (kriter merret data e bankës). 

D - Shërbimet
Neni 6 - Nëse vdes ndonjëri prej anëtarëve ose pjesëtarëve të familjeve të tyre në Zvicër, atëherë nga ana e shoqatës sonë (SHNV) do të mbulohen këto shpenzime:
a)  Shpenzimet e ceremonisë së varrimit (larja-gusli, mbështjellja me qefin, namazi i xhenazes dhe arkivoli-tabuti)
b) Shërbimet administrative në konsullatë, po ashtu dhe ato të autoriteteve zyrtare të Zvicrës.
c)  Shuma e të hollave për fluturim deri në aeroportin më të afërm ku do varroset kufoma.
d) Bartja e kufomës nga aeroporti deri në vendin ku do varroset kufoma bëhet me një makinë varrimesh. Në rast se nuk do mund të sigurohet kjo makinë, familjes do t’i jepet një ndihmë e të hollave në shumë prej 200.-CHF.
e) Shpenzimet e shkuarjes-ardhjes për personin i cili e përcjell kufomën, do jetë në Economy Class. (Personat të cilët rezervojnë biletën në një klasë më të shtrenjtë, atëherë diferencën  e të hollave do jenë të detyruar ta paguajnë vetë).
f) Në rast se personi i anëtarësuar vdes gjatë pushimit të tij në vendlindje, do të kompensohet vetëm bileta kthyese vetëm nëse dëshmohet certifikata e vdekjes dhe bileta e udhëtimit në origjinal. 
E -  Në rast vdekjeje
Neni 7 - Me rastin e vdekjes së ndonjë personi të anëtarësuar ose pjesëtari të familjes së tyre, duhet që menjëherë të lajmërohet shoqata jonë (SHNV):
Çdo ditë në nr. Tel.: 0041-44-3200023 dhe në raste urgjente nën:  00 41-79-6359914.
Sipas rregullave të fondit, shpenzimet do të mbulohen vetëm nëse kërkesës do t’i bashkëngjiten dokumentet e poshtëshënuara, përndryshe nuk do ju mbulohet asnjë shpenzim. Dokumentet e poshtëshënuara duhet që nga ana e anëtarëve të familjes të parapërgatiten:
a) Një kopje e librezës së anëtarësisë b) Dëshmia zyrtare e të vdekurit c) Pasaporta, letërnjoftimi, leja për qëndrim d) Certifikata martesore
F - Rregullat e ndryshme
Neni 8 - Për ndryshimet e të dhënave personale të të anëtarësuarve (si datëlindja, kurorëzimi, shkurorëzimi) apo ndërrimi i adresës, duhet që me shkrim brenda 15 ditëve të informohet Shoqata. Shoqata nuk merr asnjë përgjegjësi me rastin e problemeve me komunikimin.
Neni 9 - Nëse shpenzimet e të vdekurit mbulohen nga ana e ndonjë sigurimi apo fondi tjetër, shoqata (SHNV) anëtarëve të familjes së personit të vdekur do ju ofroj një shumë të të hollave e cila do jetë ¼ e shpenzimeve të bëra për ceremoninë e varrimit.
Neni 10 - Për të anëtarësuarit të cilët vdesin në një vend evropian (jashtë Zvicrës), të gjitha shpenzimet e varrimit do të mbulohen nga ana jonë. Nëse vdekja ndodh në ndonjë shtet të tretë, atëherë Shoqata jonë mbulon shpenzimet deri në 5’000.- CHF.
Neni 11 - Me rastin e vdekjes së ndonjë personi të anëtarësuar lejohet që familja e po këtij personi pas 10 viteve të japë dorëheqjen. Përndryshe shpenzimet e bëra për këtë kufomë do t’i kthehen shoqatës.
Neni 12 - Dorëheqja nga kjo shoqatë mund të bëhet vetëm me anën e një kërkese me shkrim deri në fund të muajit shtator duke bërë pagesën për vitin aktual.  Anëtarësimi në „Fondin për Mbështetje në Transferimin e Kufomave” nuk ka të bëjë asgjë me anëtarësimin në shoqatën (SHNV), respektivisht nuk duhet të konsiderohen si një.
Neni 13 - Në rast të ndonjë katastrofe natyrore si tërmeti, vërshimi i ujit etj.  ku mund të ketë një numër të madh të viktimave, shuma e mjeteve që ndodhen në arkën e Shoqatës do t’u ndahen në mënyrë proporcionale të gjitha familjeve të prekura.
Neni 14 - Të anëtarësuarit  humbin automatikisht anëtarësimin e tyre, nëse shoqata (SHNV) pas anëtarësimit kupton se ata kanë pasur/kanë ndonjë sëmundje të pashëruar. Në këso raste Fondi për Varrim nuk merr përsipër asnjë lloj harxhimesh të të vdekurit.
Neni 15 – Shoqata SHNV për personat që vdesin si pasojë e rasteve në vijim nuk merr përsipër asnjë harxhim:
-      Vetëvrasje
-      Keqpërdorim nga alkooli/droga ose medikamentet
-      Pjesëmarrje në greva ose trazira
-      Pjesëmarrje në gara dhe trajnime me motoçikleta ose anije
Neni 16 – Nëse vdekja vjen si pasojë e ndonjë sëmundjeje ose lëndimi, personi me të drejtë padie duhet të kujdeset që shoqatën SHNV ta lirojë nga e drejta për konfidencë kundrejt mjekëve që e kanë trajtuar të vdekurin.
Neni 17 - Rregullorja e fondit, që përbëhet nga 17 nene, është përpiluar nga ana e shoqatës SHNV dhe është miratuar nga anëtarët e kryesisë së po kësaj shoqate. Ndryshimet në rregulloren e fondit SHNV bëhen dhe realizohen nga ana e kryesisë së shoqatës SHNV.