Shoqata FIMTK – Fondi Islam për Mbështetjen e Transportimit të Kufomave

Vdekja

Në përditshmërinë e botës moderne ne merremi shumë pak me çështjen e vdekjes. Nuk duam të shkrijmë mendtë për të, ndërkaq sapo të detyrohemi atëherë nuk dimë nga t’ia mbajmë. Qoftë në bisedat e përditshme, qoftë nëpër reklama ose në takimet me miqtë tanë, ne i ikim bisedës rreth vdekjes. Vdekja na shtrëngon vetëdijen tonë vetëm atëherë kur kjo ndodh te ndonjë i afërm yni. Sa bukur e ka shprehur këtë filozofi i famshëm Montaigne: “Nuk e dimë qartë se ku na pret vdekja, andaj më mirë është që ne të jemi gjithnjë të gatshëm për ta pritur atë”. Prandaj, ne duhet të jemi të vetëdijshëm se vdekja në çdo kohë mund të na takojë neve personalisht ose më të dashurit, të afërmit dhe miqtë tanë.

Transportimi i kufomave

Edhe nëse në jetën tonë të përditshme e harrojmë vdekjen, ne duhet gjithnjë të jemi të gatshëm për të. Për të mbështetur njerëzit në situata të rënda me rastin e ndonjë vdekjeje jashtë atdheut, është themeluar shoqata “Fondi Islam për Mbështetjen e Transportimit të Kufomave”. Fondi e ka marrë për detyrë të veten që të mbështesë njerëzit në transportimin e kufomave për në vendlindje ose në Zvicër, në varrosjen e tyre si dhe të marrë përsipër pagesën e harxhimeve që dalin nga këto shërbime.

Nëse vdes ndonjëri prej anëtarëve ose pjesëtarëve të familjeve të tyre në Zvicër, atëherë nga ana e shoqatës sonë (SHNV) do të mbulohen këto shpenzime

a) Shpenzimet e ceremonisë së varrimit (larja-gusli, mbështjellja me qefin, namazi i xhenazes dhe arkivoli-tabuti)
b) Shërbimet administrative në konsullatë, po ashtu dhe ato të autoriteteve zyrtare të Zvicrës.
c) Shuma e të hollave për fluturim deri në aeroportin më të afërm ku do varroset kufoma.
d) Bartja e kufomës nga aeroporti deri në vendin ku do varroset kufoma bëhet me një makinë varrimesh. Në rast se nuk do mund të sigurohet kjo makinë, familjes do t’i jepet një ndihmë e të hollave në shumë prej 200.-CHF.
e) Shpenzimet e shkuarjes-ardhjes për personin i cili e përcjell kufomën, do jetë në Economy Class. (Personat të cilët rezervojnë biletën në një klasë më të shtrenjtë, atëherë diferencën e të hollave do jenë të detyruar ta paguajnë vetë).
f) Në rast se personi i anëtarësuar vdes gjatë pushimit të tij në vendlindje, do të kompensohet vetëm bileta kthyese vetëm nëse dëshmohet certifikata e vdekjes dhe bileta e udhëtimit në origjinal.

Kontributet e anëtarësisë për familje dhe për vit
 

( * fëmijë në moshën 21 vjeçe dhe të pamartuar)

Vërejtje: Anëtarësimi nuk fillon me dërgimin e formularit për regjistrim. Për anëtarësimin në Shoqatë vendos kryesia e Shoqatës FIMTK.